2010年9月11日星期六

Book Binding @ Amor

等左幾個星期, 尋日又去Amor, 主力係去上Book Binding.  不過咁啱Amor又攪賣紙, 我o地梗係唔會錯過啦!

我o地好早就上去揀紙喇!! 好多好多紙, 真係好靚, 我都忍唔住買左o的!! 買滿$100又送兩張平時上堂用o既紙, 所以加埋我之前訂o既book cloth, 就夠晒數喇!!




準時7:30我o地就上堂, Olivia話今日大家會整兩本東東, 一本係拉頁o既小相本, 另一個就係可以放 4R o既相套, 兩本都係用book binding o既技巧整!




未整之前係乜o野指定動作呢??????   梗係又係揀o野o既時間啦.... 我o地要揀兩張book cloth.  又係揀到好似打風咁!!




之後Olivia就做示範, 首先整左本小相本先! 

整book binding會運用白膠漿!!! (好耐冇用過喇)




查查查, 剪剪剪, 貼貼貼之後就整好左個封面同底, 加左絲帶之後就將已經摺好o既咭紙貼埋上去就完成左.

真係可以做返個大本o既簽名冊喎, 又唔太難整!

第二個task就係整相套喇!!

整相套因為會摺埋, 所以唔駛分開封面同底去整, 但就因為咁難度會多左, 中間摺o既部份條壓紋又要整得好, 一個唔小心就會整爛, 同埋用白膠漿唔小心整左係book cloth度就會有跡, 所以都要好細心同小心先得...

平時o的同學仔都會用返o的顏色book cloth, 不過今次趁Olivia訂左整證書套o既book cloth返o黎, 所以就揀左o黎做封面, 試下實習當整證書套咁整! 相套面平時用絲帶, 不過大家都諗起可以整lace, 所以我都揀左一條lace, 再係中間穿香檳色o既幼絲帶.

整好左喇!! 好在整得都ok! 真係好grand呀! 入面我會再整之後係紅豆影o既相入去, 而家吉左佢先啦!!!




同埋之前本拉頁相本影返個大合照!! XDD

最後Olivia就示範左點用book binding同布去整bookmark...真係唔錯喎, 又好靚!! 可以自己試下都得!

上完呢堂之後我都好有信心自己可以整到個靚靚證書套!! 

最最最最最後......我o地都係忍唔住買左o的book cloth返屋企諗住自己再整!




不得不又要讚下Olivia, 佢真係教得好好, 好有心機, step by step, 講得好清楚.....今堂真係值回票價呀!!







16 則留言:

  1. MISS 真係好好好好人AR!!!!!
    今堂開心又有用~破財都破得開AR!

    回覆刪除
  2. It's very pretty design. You bought so many great pattern paper. Are they double size?

    回覆刪除
  3. HAHA,我都買左白色個卷,真係GRAND~

    回覆刪除
  4. Thanks a lot Candy...^^ 好開心教你地d班...氣氛好好...^^ 你可以係d到見到book binding 本書的相 http://hk.myblog.yahoo.com/iam-olivy/article?mid=1621 我地平常開到八點如果無workshop...^^

    回覆刪除
  5. 我地1:00 就未必有人.... (因有時會去了睇場或買野) 你想幾時pick up?我可以特到arrange... 星期二的一點就一定會有人。

    回覆刪除
  6. ^O^ 大家地快D~ 做多D作品啦~~~~~!!!

    回覆刪除
  7. 2妹真係上左隱!!

    回覆刪除
  8. oh, you've got a lot of bookcloth!

    回覆刪除
  9. CuBie的快樂家庭2010年9月12日 上午8:48

    你未上堂已經訂定bookcloth?????
    未落毒你自己中哂囉!!

    回覆刪除
  10. 我想問吓一張bookcloth有幾大張,同埋要幾多錢架??

    回覆刪除
  11. 原來有專整封面既book cloth架!早知之前買黎整證書套啦~~
    +油呀~等你既DIY證書套!!

    回覆刪除
  12. 嘩, 你又真係買左好多喎~~~我上完堂, 都唔知點解冇即時買book cloth~~依家想整都冇~.~

    回覆刪除
  13. 學完book binding可以開店整證書套喎 =]

    回覆刪除
  14. 我以為我買book cloth買得多,原來你都一樣~ 嘿嘿~~ 快d約埋去ssp買毛喇~

    回覆刪除