2010年9月7日星期二

為你慶祝

本來星期一先係17o既牛一, 不過遇正星期一, 咁就不如提早星期日賀一賀佢啦!

好早已經想去COVA試下佢個Sunday Bunch, 所以就趁17o既大日子同佢去食啦!

因為知道今日食兩餐勁o野, 所以早餐都唔食. 下午12點準時到金鐘Cova, 環境不俗呀, 感覺好好好舒服!  




跟住就去拎o野食啦 ! 真係有好多choice, 有龍蝦沙律, parma ham! 有傳統bunch有o既燒牛同燒豬腿!!!




食到咁上下, 個STAFF就過o黎問我o地要乜o野main course, 有焗龍蝦, 大蝦意粉!! 我o地當然係每樣各一share食啦!! 雖然龍蝦係boston, 肉身比較硬o的, 不過真係唔錯, 另外個意粉真係好食呀!!! 食左咁多o野我都要食埋佢!!




食完main course就上左dessert喇, Cova真係唔孤寒, 好多款cake, 我眼見到有成8-9款, 真係好多選擇, 同埋唔只cake, 其實仲有曲奇, tart同埋其他dessert!! 剩係食dessert都已經值返晒, 我同17號都食左好多cake, 一次過可以食晒Cova好出名o既蛋糕!!  So nice!!! 再加埋杯coffee.....爽到冇朋友!!




食完真係好飽, 我o地就離開金鐘遊車河去荃灣同tanny交收o的ink pad, 之後就去左配17號o既眼鏡 (我有份sponsor o既生日禮物呀) , 配完之後行左一陣傢俬舖, 然後又去L'hotel會合佢o既家人, 係L'hotel 又dinner buffet, 真係好誇張, 一係唔食, 一係食兩餐buffet!!!

因為係Cova實在食得太飽, 所以我都唔係食左好多o野, L'hotel環境真係唔錯, 樓底高坐位又闊落, 就算full booking都唔會太嘈!!




o野食都算ok, choice都正常, 唔係好多o個隻, 但如果鍾意食生蠔o既朋友就會失望喇, 因為冇生蠔食!! 得唔好食o既焗蠔!  甜品我只食左new york cheesecake, 蓮子杞子糕同papagallo o既雪糕, 質素都ok呀!! 整體上都可以接受o既!! 但竟然我覺得好好食o既係咖哩入面o既牛肉!! 真係好食喎!!




食完呢餐真係頂住個肚呀!!! 好耐冇試過食咁多o野!! 今日好放肆呢!!

祝你今年學業進步, 事事順利, 開開心心呀! 出年就可以係我o地o既小天地同你慶祝last single birthday喇!! 好期待添!!

15 則留言:

  1. L'hotel
    掂唔掂?
    我都好想TRT~~
    COVA D CAKE好好食.
    一日食兩次BUFFET.好勁WOR

    回覆刪除
  2. WOW~ 祝17號HAPPY BELATED B-DAY AR~ HEEHEE~ 有芝士呢女朋友 (未來老婆)真係好幸福喲~

    回覆刪除
  3. CuBie的快樂家庭2010年9月7日 下午4:06

    一日食兩次buffet?! 你簡直係創bride-to-be先河啦你!!!
    人人嗌住要keep fit, 係芝士你先有咁多quota!!!!

    回覆刪除
  4. 嘩,好正呀! The desserts are so attractive

    回覆刪除
  5. ♡ IRIS.屎屎.★2010年9月7日 下午4:36

    17 號係9月5日生日? 我9月6日呀~~~ 唔係同日啊?? haha~~ 不過都祝17號生日快樂呀~~~

    回覆刪除
  6. ♡ IRIS.屎屎.★2010年9月7日 下午4:54

    嘩.....真係好邪呀!!!! ahhahah 好驚呀, 我地咁多日子都撞既??!!!

    回覆刪除
  7. 嘩, cova buffet, 好想食呀!!!!!睇見都流晒口水!!!!$258 +10%? 你一日食兩餐buffet, 好野!!!!簡直係我減肥中既天堂......

    回覆刪除
  8. Cova 個 Sunday brunch 真係好正好抵食!
    我同媽咪都間中去食 ~

    回覆刪除
  9. 引死人啦...祝17號年年生日都食2次buffet!!! 哈! L'Hotel真的不錯架...又近我家..呵

    回覆刪除
  10. 17號生日快樂! 我尋日都去食左公司既buffet dinner, 罪過...

    回覆刪除
  11. 講漏左
    早知我上次都試下意粉~~

    回覆刪除
  12. 真係好勁!! 一日2餐~~~我每次BUFFET至少隔半年至一年…XD
    生日快樂呀17號~~

    回覆刪除
  13. 二妹講最後果幾句d野好sweet呀

    回覆刪除
  14. 嘩, 可以一日食咁多款cake, 正!
    祝你既17號生日快樂呢! (sorry, 遲左!)

    回覆刪除
  15. he,17號生日快樂呀!!

    回覆刪除