瘋狂愛上PIERRE HERMÉ MACARON

近幾年Macaron熱潮真係一發不可收拾，無論行街，high tea，甚至於參與婚宴的sweet corner或是回禮小禮物都會見到這代表甜蜜的、幸福的法式小圓餅。

Macaron製作材料非常簡單，我自己都整過，但好似其他功夫菜一樣，材料非常簡單但製作上非常複雜或是不容易，Macaron對爐溫非常敏感，太高太低也做不成，所以對烘焙愛好者來說是非常考功夫的一個甜品。

對我來說，我不是特別喜愛Macaron，因為太甜呢，但對熱愛烘焙的我也不會放過任何一個機會去研究製作美味的Macaron，所以我也非常喜歡去試吃坊間的各品牌或自家製的Macaron。但在香港，差不多被我試過大部份的Macaron品牌，只有一兩間是比較有印象，做得不錯的，但說上很特出的暫時只有這間 - PIERRE HERMÉ。

自從PIERRE HERMÉ係2013年5月25日首次登陸香港IFC開店，之後有朋友請我食過，我就念念不忘了。我愛PIERRE HERMÉ 的原因是它的Macaron除了外脆內軟之外，內層是不"痴"牙，加上極喜愛它的內餡，實在太好吃同豐富，味道仲好有創意。

最近相熟公關湊巧邀請我參加PIERRE HERMÉ blogger 活動，我簡直開心到不得了，立即答應參加啦。地點仲係好方便的海港城內，因為PIERRE HERMÉ 10月份在海港城開了他們第二間香港分店，加上11月推出「Ispahan」小圓餅。

我都是第一次去海港城分店，地點簡直太正了，對正Zara，出面就係扶手電梯位，非常容易找到呢。


從外面看店舖非常明亮


這設計也很時尚


見到好多甜品簡直令人心花怒放


主角來了，好多Macarons呀!好想一個一個塞入口裡，流晒口水了


企定定之後，店員首先為我們準備了他們最新產品Macaron Ispahan同 Macaron Infiniment Vanille


Macaron Ispahan係PIERRE HERMÉ最受歡迎的，包含了玫瑰、紅桑子和荔枝3種味道，玫瑰+紅桑子看似味道很濃帶酸，但加上荔枝真係完全兩回事，味道香而帶清新，3種味道加埋一齊好夾，我真係太喜歡了，仲有一個讓我喜歡的原因是 - 不太甜。店員話呢款主要是夏天賣，可能再返貨之後就暫時不會再返，要把握機會買來吃呢。


另一款就係Vanille，好似好普通，但餡料原來由3種vanille豆(Mexico, Tahiti, Madagascar)組成，口感好豐富不單薄，更帶點層次，慢慢咀嚼時會有少少不同味道，最後我覺得仲有點回甘的味道，但不知道是那隻vanille豆帶出來的，這款Macaron我覺得是有點令我驚喜的。


試完新產品後，我當然唔會夠啦，把握機會再試多幾款，上面從左至右是Macaron Infiniment Cafe(咖啡雙重奏)，Macaron Jardin Merveilleux(蜜柑青瓜)，Macaron Veloutes Citron Vert(乳酪青檸)

愛好咖啡如我當然不會錯過咖啡雙重奏，由綠咖啡同留尼旺島(紅咖啡)組成，係PIERRE HERMÉ試過好多款咖啡豆之後揀了其中最夾的兩種咖啡豆去做，好香濃好味，店內都有這兩款咖啡賣呢。

蜜柑青瓜，有蜜柑、橄欖油、青瓜水，組合好怪咁，初初我都有點抗拒，但食落好得意，青瓜水好fresh，味道加起來又好夾，不錯喎！
而乳酪青檸我更喜愛，乳酪系列我特別覺得好味，因為我本人好喜歡酸的食物，這乳酪系列Macarons比較酸，食落令人好醒神，一點也不覺得甜。除了Ispahan之外，我第二最愛就是乳酪系列Macarons。



最後我試了一款女孩子單是看起來也會喜歡的，Infiniment Jasmin(茉莉花)，因為它是閃令令的，看來已很高貴，加上是茉莉花味，應該會好清新。


大滿足過後也欣賞一下PIERRE HERMÉ新書，雖然現在只有法文版，內裡有各Ispahan fanmily大家庭靚相，又有食譜，遲些會有英文版呢！


PIERRE HERMÉ田園系列會定時推出限定版，連禮盒都充滿田園氣色，美美的！


佳節就到，PIERRE HERMÉ都為香港特別設計了香港限定hamper，Ispahan果醬真的不能錯過，維媽話好好味


PIERRE HERMÉ暫時沒有單件Macaron賣，要買禮盒裝，最少是7個裝，他們的禮盒也設計得美美的


最後PIERRE HERMÉ公關們特別為我們blogger準備了一份禮品包，實在太幸福了！


內裡有一盒7件裝Macaron禮盒及一樽Caramels Ispahan(紅桑子玫瑰焦糖)


將PIERRE HERMÉ帶回家與老公分享，真的太開心了，不喜甜的老公都話PIERRE HERMÉ好好味呢！

初試水果酵素

繼整完黑蒜之後，我又再玩新野。
究竟是什麼？其實是最近都好紅的水果酵素。之前有朋友浸過，帶了給我試，味道不錯唔令人抗拒，所以我就下定決心試下自家製。



為什麼要自家釀製酵素？因為人的身體需要多種酵素催化各種體內的化學作用，幫助消化，新增細胞，加速新陳代謝等。隨著人年紀越大，生產酵素的能力會減慢，所以有人就開始研究製造食用酵素去補充，加速新陳化謝，幫肋消化，製造新細胞，減少病痛，平衡神經系統，令皮膚更新更滑等。看似好多好處，一試無妨啦！

聽朋友講大部份人初初整水果酵素都用上菠蘿，因為好好飲，係咁多水果當中,菠蘿、奇異果、木瓜都是最多酵素的，做起上來都比較易成功。而我的第一次都用菠蘿來做酵素，再加上奇異果，應該味道會好好。

其實整水果酵素不難，只要準備一個玻璃樽，水果，檸檬，冰糖就可以。



冰糖為水果重量的35-50%就可以，檸檬就不需要量，只是用來分隔水果同糖，同用作殺菌的作用。

做法亦很簡單，將一層水果+一層檸檬+一層冰糖放入玻璃樽內，再重覆放一層水果+一層檸檬+一層冰糖，直至差不多放滿玻璃樽就可以。每天打開蓋放氣，蓋上蓋後搖勻便可。大約等2個星期至1個月就可以隔渣飲用，好多水果酵素粉絲都試過2星期都已經可以收成。剩底的水果渣有人會留下打碎雪入雪櫃，在下次整水果酵素時放係玻璃樽底當作酵種加速發酵,另外水果亦可做其他料理。如果我成功的話，我都會嘗試一下做料理分享下呢。



第一日
糖已經溶了很多，原來糖溶了水果出了水，只是半個玻璃樽的高度，下次要再放多些就不會浪費位置呢！


希望成功啦！

慶祝棉婚

間真係過得好快, 同老公仔結婚已經踏入第三個年頭。

今年棉婚, 我同老公都放假慶祝, 本來想去廸廸尼玩, 但我們好懶, 睡到差不多十時先起床, 怕唔夠時間玩, 最後沒有去廸廸尼。

起床之後就同老公去食早餐，之後就去買戲飛睇戲，剛巧有我最愛Derek Hough同BoA上演的Make your move,如果大家都有追開Dancing with the stars,就會知道Derek Hough係邊個，佢跳舞同編舞都好叻，佢妹妹Julianne Hough都由舞者轉為歌星同明星，我好鍾意他們呢，所以有戲上，我一定會捧場。

看完戲之後，我同老公都回家Hea一陣，到黃昏時間就出發去慶祝。其實老公好喜歡吃Buffet，所以我都選擇了吃buffet慶祝，今年就選了Marriott Dinner Buffet。好多朋友都讚好吃，維媽去過幾次，次次Wapp相來都引到人屎屎下，加上十月份有大閘蟹主題buffet，好似特別正呢。

準時6:00到達，首先都係巡視一下啦。

壽司刺身bar，幾款刺身同壽司，選擇不多。

冷盤有長腳蟹，青口，麵包蟹，加菲蟹，龍蝦，花螺。好新鮮好味，龍蝦都夠大隻，長腳蟹腳我都食了很多。

都係沙律，前菜，冷盤。又係好新解，質素都好好。

Cheese and bread bar，我冇乜點食，留肚食其他。haha

咖哩系列，平時食buffet都唔食多，但呢度整得好食，我都食左少少。

熱盤我都好期待，有星斑，花膠，蟹，蟹拑，點心等等。

花膠一大盤，任你食個夠，好好味。

buffet當然少不了燒牛肉啦，前面配菜都好味的。

十月主打 - 大閘蟹，寫到明供應量充足，整晚都見到不停refill的大閘蟹，想食幾多都有得食。蟹癡倒的福音。

任食當然不可以要求太高想吃6-7兩蟹啦，我估現場提供的是4-5兩蟹，但已經非常好啦。

對於女孩子來說，食甜品係第二個胃的，所以一見甜就會好開心。好似好好味咁。

另一邊都仲有。

巡視完畢，入直路食食食啦。我平時鍾意食菜先，沙律菜同煙三文魚好食呀，菜好新鮮。

冷盤也很新鮮美味。已經抵受不住花膠的誘惑，拎左先，蟹拑出奇地好吃呢。

一條大花膠入口，超滿足呀！

再來就係大閘蟹啦，雖然我不是太熱愛大閘蟹，但怎樣都會食一隻，不要少看牠，很多膏呢！我見旁邊客人好有食力，有人一次拎左4隻慢慢吃，之後仲繼續拎添。

燒牛扒都可以啦，配菜更美味。哈哈


甜品時間，款款都好好食，又有Haagans dazs雪糕食，好完美呢。

期待下年週年紀念再食好野.

 

 

體驗Miele吸塵機威力

本來這篇Blog是一早就出的，但在yahoo編寫的過程中消失了，又沒有時間再重新打一篇，所以到現在才補回來。(太遲呢xp，安慰自己遲到好過冇到啦)

做左人妻之後，對生活上各項事物及細節都重新學習起來，特別是家居上各用品及電器都像重新上路般學習。我在準備我的安樂窩時，因為要添置家中的電器用品，認識了很多的品牌，當中最令我有深刻印象的當然是Miele啦，不然的話我不會中了毒地最後也敗在Miele蒸爐上。另外，我對Miele的吸塵機亦有好深印象，好多網上評價Miele吸塵機都是非常好用，又靜，功能又好。但奈何價錢不便宜，對於剛成家又沒有太多錢的我就卻步了，最後選了另一品牌較便宜的吸塵機。

早前，得到公關邀請出席見證Miele「怪獸」誕生活動。所謂的「怪獸」，就是Miele新的吸塵機。當時知道被邀請時真係嘩嘩嘩了出來，心癢癢的我實在太開心了。

當日一入場就見到3隻大怪獸，真的嚇了一跳，心想部吸塵機真是咁勁？

蒲入場已見到無處不在的警示

來感受一下Miele的威力，Miele新系列吸塵機S8 Medicair可以吸起超過650磅壯男，好勁喎！仲有就是部機都唔嘈。

看完Miele S8 Medicair 威力，開始實地體驗一下S8系列的威力，連釘都吸到，完全冇難度。

再來就係玻璃，一樣"咋"一聲就吸左

麵粉咁細微的當然冇難度啦

再來一個令我中毒的測試，就是Miele引以為榮的是0微塵排放，主持人在開場時用機測過有七十幾萬微塵粒子在現場，但當放在吸塵機排氣口時，竟然可以降至0，真的讓人讚嘆不已！因為我有鼻敏感，所以對這個0排放真的非常接受，中毒了！

看完示範，我就自己研究一下部吸塵機，吸塵機是用塵袋，可過濾99.99%微塵粒子，塵袋亦係用多層設計，好堅硬，唔易穿，即使吸入玻璃、釘都沒有問題。我家中吸塵機沒有塵袋，有人說有塵袋不好，因為又要花錢買塵袋。但對我來說沒有塵袋，每每我要開吸塵機倒塵時，總是會令我打乞嚏，好唔舒服。所以Miele用塵袋都有好處，我可以避免再次接觸吸塵機內的塵同垃圾，以及細菌呢！

Miele吸塵機亦有貼心的設計，吸塵機內有位置放小配件，免卻要找地方儲存小配件，有時也忘記了放到那裡。

說實話，我真的動心了！

後記：

自從體驗完Miele吸塵機，個心同個身都日日被蟲咬。

但真係好好彩，竟然係Event之後不久，Miele有開倉，仲要多謝朋友一早去排隊幫我買，真係有吸塵機，雖然唔係S8系列，但都是可以吸塵蟎，對我來說真不錯呢，價錢仲要好吸引，實在太開心了。

 

回家之後即為它開光，真係比我用緊那部靜好多，我仲特別whatsapp錄音新舊吸塵機發出的聲音，當然是Miele靜啦，仲要吸塵時我可以同老公傾偈添，以前係嘈到聽唔到。哈哈

 

總之就正正正正正啦!! I love Miele!