買男禮去外影

掛住寫自己買衫去外影, 唔記得寫17號o既男禮添!!

其實之前已經諗住去買一套衫去澳門影相, 不過未知係邊度買, 因為諗住平平地啦! 不過知道旺角荷里活商業中心專係賣男裝o既西裝, 所以上兩個星期去完Sandy度試妝就去左睇下!

原來o個度真係好多現成男禮, 我同17號上左頂層行先, 我同佢都鍾意中山裝, 覺得著上身好型仔o架, 所以我o地就不約而同就俾其中一間舖o既中山裝吸引左, 問左價都係$400, 仲包埋改, 只需一個鐘就改埋…  不過C奶性格o既我當然係行晒成個場先決定啦, 睇晒成個場之後, 都係呢間平, 所以都係返轉頭俾錢!! 因為我o地唔想等, 所以17號就第二日放工先去拎, 佢話試左都好fit身, 買o黎影相真係抵, 之後仲可以著得返添! 帶埋去台灣紅豆影相都得!

而家睇下有冇o野特別o既企領恤衫先, 如果搵唔到, 就用$100買佢o個件白色企領恤衫先! ^^

大家知唔知邊度可以買現成o既企領恤衫呀? (平平地$100-200o個o的)