【深夜食堂煮婦同樂會】第56話 - 水煮蛋 (變奏版煙三文魚蛋沙律)

今次深夜食堂的題目是水煮蛋, 但是我不太愛就這樣白烚的蛋, 因為那蛋黃會"立"住我個口, 所以麻麻地喜歡.  平時愛煎蛋, 炒蛋比較多.  但附合主題, 我都會做個水煮蛋的.  但會將水煮蛋再變化一下, 整蛋沙律.

這個煙三文魚蛋沙律在上次去熊太太家garden party時做了一次, 是我很喜愛吃的.  不過上次跟了一個食譜做時說要加1湯匙鹽, 但我怕只加了半湯匙, 還是覺得太咸.  今次稍微改一改再做一次.

材料:
雞蛋                 3隻
煙三文魚         3片
乾蔥                 1粒 (我自己好鍾意法國乾蔥 (shallot), 因為佢比較甜, 冇其他乾蔥咁辣, 做沙律或冷盤用就好啱)
水瓜榴/酸豆    1湯匙
蛋黃醬              隨自己口味加入
刁草/雜香草     隨意
黑椒碎              隨意
鹽                      少許  (如試味夠咸可以不落)

做法:

1.  將雞蛋放入鍋內(凍水下蛋), 水滾後繼續煮4mins., 雞蛋煮好後放入普通水內冷卻備用.

2. 將煙三文魚切粒, 乾蔥切碎及雞蛋切粒, 加入大碗內, 再加入水瓜榴拌勻.

3. 然後加入蛋黃醬充分與(2)材料拌勻, 加入適量刁草/雜香草, 黑椒, 少訐鹽拌勻即成.

4. 將煙三文魚蛋沙律平均舖上麵包上, 即可品嘗到美味的三文治了.

呢個煙三文魚蛋沙律真係好簡單, 但好好食.  17號都好鍾意.  久不久都會問我有冇得食架!!

又試新酵母

最近老是玩天酵, 不過家中又好多係大根國買回來的天然酵母, 唔想它們被打入冷宮, 所以久不久都要用下. 唔好浪費這些酵母bb.

最新試的是蘋果天然酵母, 最初認識這酵母都是由爆炸兔blog內知道的.  剛巧我5月份去了大根國.  所以在大阪千辛萬苦買它們回來.  因為我去時是日本黃金週, 整個旅程只有一個晚上店是開門的.  我的時間非常緊迫.  但日本人真的非常好, 我電話求他們留一點酵母給我, 剛好他們晚上有烹飪班, 替我向老師交待了, 由老師轉交給我.  真的很感動呢.  所以我真是非常喜歡到日本旅行, 一切人和事都是美好的.

呢包細細包就係我買的天然酵母(果實種)了.  1包10g可以做200-300g粉的包.  最方便的是這包酵母不需要喚醒, 就這樣加入粉團內打就可以了.

今次用左仙姐17小時咖啡包去測試.  果真這包酵母爆發力好驚人, 我只是一條吐司用中種法只是用了一包酵母10g的份量.  但包包後發酵力好快.  入爐後升得更快更高, 我本來將包包放在大焗爐的中間層架, 但包包不斷上升我怕包包頂會燒焦, 中途要將包包移下一層.   我接近全程都在焗爐前看實, 一直在大笑.  整個過程我都是處於興奮的狀態.

包包出爐更是令我興奮呢.  是我有史以來焗得最好的一個山型吐司. (現在看回來仍是興奮)

做包包的朋友最開心莫過於將出爐包包分屍.  拉開包包見到入面一絲絲的..  就是做包者的滿足.  下次再用這包酵母整其他包先!

Miele 蒸粹：健康至尚美食體驗

大家有睇開我個BLOG都知道我年頭又為我家廚房增加了一件武器, 哈哈哈.  就係Miele Puresteam 啦!!!!
前星期收到偽主婦電話叫我去一個Event, 仲要係Miele的, 只係第二日就係, 不過地點好近公司, 所以我當然不知醜地答應了. (因為我太愛Miele了, 不過以錯過吧)

是次活動主要是Miele興本地知名私房菜『鴛鴦飯店』創辦人徐蒝合作，配合Miele puresteam 100% 純蒸氣烹調的特色蒸燉功能，首次推出Miele蒸粹：健康至尚食譜

我第一次上Miele Private Lounge, 心想：「哇，我終於來了！」

Private Lounge內一眼望完是Miele設備，我多麼的想擁有他們呢。(不過是很大的投資，小女子要好好努力賺錢才可以)

欣賞完夢幻廚房之後, 就要各自歸位了, 意外的是原來有實習課, 不只示範呢.

第一道做的是「十分絹豆腐」, 對, 做豆腐呢.  用Miele做豆腐我都未試過, 感覺是怎樣呢? (留意到嗎?  原來我都有個名牌的, 好開心呢)

只要將材料拌勻就倒入杯子便可以放入Miele用85度蒸13mins

大家可以親身去試下點用部蒸爐, 偽主婦主動要試。

蒸好的豆腐, 看似非常的滑溜.  還散發出淡淡的豆味.

第二道實戰菜式：慢油剁椒沙甸

完全沒有想過可以用Miele直接整油浸沙甸魚, 當然我好明顯一頭霧水.

Margaret真係好nice, 親身示範學到不少技巧, 亦感受到她對煮食的passion.  like!!!!

沙甸魚先用Miele 80度蒸6mins, 之後入好樽, 加橄欖油, 放入Miele用90度蒸30mins. 現在罐沙甸魚仲係雪櫃, 想浸佢入咪些才吃.

仲有一樣示範就係「依時豉油雞」, 色水好好.

示範完三個菜式之後, 我跟偽主婦不捨得地脫下Miele美美的圍裙, 大家就坐定定, 等開飯.  哈哈  後知後覺得我這一刻先知道除了示範菜外, 更有其他菜式可以試食, 好開心呢.

工作枱搖身一變飯桌, table setting絕不馬虎.  更有是日菜單呢！所有菜式均由Margaret及其團隊主理的.  看見已經好期待呢.

未食主菜前先來吃自己弄的絹豆腐

蒸好的豆腐, 好滑非常.  我很喜歡這感覺, "雪"一聲便吞了下肚,  大愛呀!!!

第一道菜：田野蒸(燒蒜蒸野菜+有機菜)

瓜片蒸得剛剛好, 還帶點爽口.  油浸蕃茄乾係Margaret自己種同浸, 全天然人手製作, 好正呀!

第二道菜：十分絹豆腐
這是Margaret團隊製作的絹豆腐, 真的很滑, 那一丁點紅色的東東是Margaret自家製辣醬, 只是一點點已經很辣, 但超香超好味! 我忍不住再向Margaret取多些伴豆腐吃.

第三道菜：無水燉湯
個湯係沒有放水去燉的, 全靠食材本身的水份及味道, 非常濃郁, 簡直將食材所有精華乾掉了, 好補呢!

第四道菜：慢油剁椒沙甸

終於可以試下這道沙甸.  好鮮甜好味, 雖然說是自家製罐頭沙甸.  但此沙甸不同彼沙甸.  好新鮮!  火箭菜又是Margaret自家種的, 讚呀!

第五道菜：依時豉油雞

話明依時, 當然係easy啦. 正正因為用左Miele可以自設溫度蒸雞, 所以連雞胸都唔"鞋"口的.  滑滑的. 好好食!

第六道菜：欖油菜飯
菜飯用左橄欖油去蒸, 淡淡的清香, Miele蒸出來的飯都軟硬適中, 唔錯唔錯.  個飯來得正好.  因為大家唔捨得上一道菜的豉油雞油, 人人都留返來撈飯食.  好開胃, 仲想添飯啦!

第七道菜：白雪公主 (薑奶布丁)

不知什麼時候開始, 我漸漸地喜歡了吃薑, 所以此道甜品好合我心意, 薑味剛剛好, 布丁又滑又香.  很喜歡呢!  伴布丁的黑芝麻醬又是Margaret自家磨製, 夠香濃.  好吃到停不了口. 加入薑在布丁中令整個甜品達至平衝, 完全唔覺膩.

將近結束分享會前, 大家都用少許時間分享一下自己對是此分享會的感受.  好多參加者都好喜歡依時鼓油雞呢, 真係簡單易做又可以整得滑一滑.  而我都幾喜歡鼓油雞及自家製豆腐.  好想快些再實習一下.

分享會完結後大家都有份小禮物, 除了自家實習的油浸沙甸之外, 更有今次分享會最重要發佈的『Miele蒸粹：健康至尚』食譜一本.

老實說...當初我又嫌貴又嫌沒有位放.... 最後拆掉微波爐架掉了微波爐, 終於正正式式接了Miele回家.  現在我只嫌自己買得太遲 我實在太愛呢部蒸爐.  真係為我慳左時間同埋爐頭.  入廚變得輕鬆得多.

今次體驗令我對部蒸爐有多些了解, 亦發覺部蒸爐可以作更多我未想過做的菜式.

事後我先知道原來公關小姐跟Miele市場部的同事都有睇過我的Blog.  真係受寵若驚. 今後我會好好利用部蒸爐, 首先我會再重溫一下今次分享會所學的菜式先.



新聞稿：

享譽國際的德國頂級家電品牌Miele，自創辦以來，一直秉承『精益求精』的宗旨，致力於提升消費者生活質素。

是次與本地知名私房菜『鴛鴦飯店』創辦人徐蒝合作，配合一向備受追捧的Miele puresteam 100% 純蒸氣烹調的特色蒸燉功能，

首次推出Miele 蒸粹：健康至尚食譜。

Miele 蒸粹：健康至尚食譜輯錄了包括美顏美膳、纖體美饌、天然素食與孕婦及嬰兒食療等共20個精選食譜，滿足消費者日益多元化的健康飲食需求。

徐蒝向來倡導綠色健康飲食，其主理的每一道菜式均選用自家種植的有機食材，以大膽創新獨特演繹傳統烹飪的蒸粹。

徐蒝亦對蒸燉烹調情有獨鍾，此次專為Miele 蒸粹：健康至尚食譜設計四款美饌：十分絹豆腐、依時豉油雞、

慢油剁椒沙甸及無水燉湯：清燉牛肉茶，以健康蒸法為消費者帶來全新的味蕾享受。

Miele 蒸粹：健康至尚食譜不作公開發售，自7月1日起，凡購買Miele DG 1450 獨立式蒸爐即可免費獲贈，贈完即止。

人蔘雞湯 (附食譜)

自從去韓國食過人蔘雞湯, 我一試就愛上了.  平時韓國食物給人感覺總是辣的, 但人蔘雞湯便不是了.  好滋補養生呢!

之前買左兩支人蔘一直都未用, 終於的起心肝去整了人蔘雞湯，各位谷友都好想知道點整，而家就分享一下點做。

材料：

春雞      1隻  (我用法國春雞)
糯米      50g
蒜頭      6瓣
紅棗      3粒心
栗子      10粒 (我很喜歡吃所以下得比較多)
人蔘      2支 (我係日本百貨公司買一pack 2 支的, 我喜歡濃蔘味, 所以一次過落晒)
水          6杯
清酒      1大匙  (我用韓國清酒)
蔥粒      少許 (可加可不加)

調味：
鹽          少許
胡椒炒  少許

鍋具：Le Creuset 22cm Round Casserole

做法：

1.  糯米洗淨再用水浸最少2小時；

2. 將春雞解凍後清洗乾淨，用少許鹽擦洗雞腔及雞身，並抹乾；

3. 將糯米、蒜頭3瓣塞入雞腔內，用牙籤或線縫合； (我就係雞尾兩邊剪一個小口, 將雞脾骨交义塞入小口內，自然便會封了，但安全計我都用幾支牙籤回定一下)

4. 先用煲煲滾水，加入春雞、另外3瓣蒜頭、紅棗、人蔘、清酒，所有材料煲滾後轉小火煲1至1.5小時。 (中途有視乎須要將浮面的油底泡清除)

5. 湯煲好後加鹽及胡椒粉調味，再灑上蔥粒，即成。喝時除去牙籤或線，再切開春雞伴湯一起食。



個湯當然係好好飲啦，好夠蔘味，好濃，最正的地方就是雞腔內的糯米飯，入晒味呢。  我真係好鍾意呢個湯，久不久都要煲來喝呢！

題外話：
上面我提及了谷友，就是某一晚跟神級和人氣毒后們鬼嫁、維媽、偽主婦和玻璃朱一時興起，就創立了這個可怕的劇毒集團，只不過開張了兩星期左右就毒成這樣子，過了三千會員，想不到呀哈哈！

先旨聲明，這GROUP好毒，腦波弱一點也不行。

大家也一起來加入這個勸敗散毒的GROUP，一起自由分享敗家資訊食譜聊八掛，一起煮，然後繼續一起敗吧（招手）

http://www.facebook.com/groups/572620562783296Le Creuset X Miele X 敗家情報專區