又買衫

係不久o既將來我又會再影pre-wedding, 所以又要自己準備衫, 但係我又唔想輯相o既衫同上次一樣, 起碼都要有o的變化, WG可能都會著返之前o個件, 但EG想有多o的變化, 所以就決定再買!

其實之前都有諗住淘寶, 已經睇中左.  不過日前search到一間賣外國品牌o既婚紗晚裝舖, 咁就睇下, 知道佢之前做緊sale, 不過都做左成個月, 但都試下問啦! 點知收到email仲有o的gown未賣晒, 見到有件BCBG o既gown都幾靚, 一問之下價錢又ok, 之後仲可以改短再著, 咁就約老板娘出o黎試身, 一試就好鍾意, 仲要係GOOD FIT!!!! 仲有呀, 係我好鍾意o既桃紅色呀, 好靚! 仲可以遮住我個巨躉!!

我件EG就係呢件喇!

咁我著成點呢?

 

 

登登登登......................去片.........................

 

 

唔知點解我部電話影左出o黎變左紫紅色, 不過其實係桃紅! 同埋相中model好高, 著左吊腳, 而家就變左有o的拖尾咁, 不過仲好!! 而家剩係改短少少入面個裡, 等我行o既時候唔會踩到就得.  月尾可以拎, 好期待再試上身o既感覺!! 而家睇返o的相同之前試衫o既相, 原來真係瘦左喎!!!!!!好開心呀!!! 希望繼續瘦多o的!

 

我就係度買o架喇!! 佢o的WG同EG真係好靚, 件件都係有牌子! 價錢仲好合理添!

Run For The Dream

blog: http://hk.myblog.yahoo.com/runforthedream