因為沉迷左煮o野食同埋做包包 哈哈哈
係我真係愛上了做包包, 已經接近完成了工聯會中班, 下期會去上高班了.
做包包真係用好多時間, 最少3個鐘, 做完包包通常已經要訓了, 所以冇咩時間剩
但係自己做o既包無添加, 食得健康o的, 同埋可以食飽人的.. (haha, 街買的好似食風)
而家一有時間就做包包, 已經好耐冇係街買包包了, 雖然自己唔係好叻, 技術仲有待磨練, 但已經比剛剛初學時好左好多了
呢張係上緊初班時, 第一次係家中練習包包, o的做型好醜樣下.
包包面頭都係唔多靚仔
第一次做包包, 用湯種做, 我係爐邊不停叫, 頂佢呀頂佢呀!!
做左咁多次包包, 整得最多次莫過之呢個無花果合核包包, 好好味又健康o的, 呢個係最近用仙姐17小時包包方法做, 特別鬆軟好食
而家上到中班, 最近一堂學o既中東包, 係我好鍾意食, 用來伴咖哩食真係一流, 老公都話好似係街食o既一樣.
做包包真係會越做越上癒, 因為包包出爐o個刻會令人好興奮, 我覺得比蛋糕難做得好. 同埋包包基本上已經係人生活上的一部份, 有一個包包俾家人做早餐, 佢o地又食得開心, 我就好開心好滿足了.
中東包我都好中意 ~~~ 你好叻啊 ~
回覆刪除造包包真係好開心~
回覆刪除你好叻呀！！買相又靚，100分
回覆刪除can you share how to make the 中東包? I like it very much ka.... wanna try try myself le.
回覆刪除好叻呀！！我都有諗過自己做包包，但難唔難架？？我好懶架。。。嘻嘻
回覆刪除個中東包D 啡色紋咁得意嘅！
回覆刪除好勁呀芝士！
回覆刪除加油ar!! 期待你下次既出爐
回覆刪除please send to ourfootprints.jacksonportia@gmail.com.
回覆刪除Thanks.
我以前都有整，不過後期懶左......
回覆刪除你要KEEP住呀！！
好叻！自家製包包好味又健康！
回覆刪除工聯會的班似乎好多花款，我都想去上下。
你好叻呀, 整得好吸引~~~好想食~~~HAHA
回覆刪除令家人食得健康呢下滿足感肯定好正! 欣賞你堅持，一定會愈來愈高水準 =]
回覆刪除我次次見工聯會有班都好想報, 不過見到條報名人龍就想走
回覆刪除你好勁呀~~ d包包好好味呀
回覆刪除好叻呀！做包俾家人做早餐好sweet
回覆刪除