桂花炸合桃

我好鍾意食合桃, 上次去Rachel 度上堂, 有一味桂花炸合桃, 真係好吸引, 不過上次上堂太急, o的合核浸唔得耐, 所以味道唔夠, 所以一定要自己返屋企再整一次先得.

尋日先有o的時間就整左.  用左Rachel食譜一半份量, 因為兩個人食唔夠整多, 費事出晒事啦!! 又甜又要炸, 咪話唔肥呢!

用個staub 18 round做埋炸煱...好駛好用.  我用左雙倍桂花去整, 真係香好多呢!

唔夠一陣就被消滅晒喇!  食完已經好想再食....唯有下次再整過!

驚喜晚餐

 

平日放工好夜先返到屋企, 所以好多時都係17號煮定飯.  今日佢o野做要夜返.  話等佢返o黎先落街食.

就係咁, 不過俾個驚喜佢啦, 等我煮吧!

平時我多作西菜, 中菜好少整, 參考左sunnyma o既糖醋排骨.  唔理佢收汁時去左沖涼...出o黎已經收晒汁!! haha
今次用左新敗o既Staub蜂巢鍋整..好好用!!!

17號一直想我整鹽焗烏頭, 今日就跟左維媽同Ying整.  好好味呀!!!!



最後又出動無水蒸煮跟sunnyma整蒜蓉豆豉蒸茄子. 茄子平時要用好多油煮..呢個方法用好少油, 非常健康!




今餐17號好驚喜, 估唔到我咁夜返都照煮飯. 好滿意, 仲話對我刮目相看喎... 其實我都唔係唔識煮o者...