2011年4月1日星期五

終於入伙喇

其實上個星期已經擇左日入左伙喇!! 不過真係忙到死, 好多O野要搬同執...日日都唔夠時間用!! 連上網o既時間都冇乜, 唔好講話寫blog!! 不過而家終於有少少時間可以打返blog!!


而家真係一路住一路搬同執o野, 因為已經放左好多雜物, 所以都係補返之前收樓時影o既相, 遲o的先update個亂竇俾大家睇啦!


客廳|, 有個羿風櫃用o黎遮下個書房門, 因為人o地話門唔好直接對住大門



前幾日裝埋部46"電視...終於有娛樂


廚房, 不過廚櫃門o既手抽整錯左, 要再換返! 另外仲有個鞋櫃係入門位, 順便間一間個廚房.


鋅盤同埋龍頭都有晒, 一直好想要一個有花洒功能o既龍頭, 所以要裝濾水器就唔得, 而家再加多個龍頭轉係俾濾水器用, 都唔錯啦!


兩件嵌入式家電都好靚仔! 部大眼仔剪左綵都唔錯!! 佢個45mins清洗function都幾好, 乾淨(不過我就冇full機去洗, 都有大半機啦)



廁所就係咁, 黑鏡櫃好多位, 可以放到好多o野


睡房6呎大床!! 唔好問我點解張床要咁大, 我都唔知, 總之就係17唯一o既要求, 新屋內一定要有張6呎床 加埋上次casa開倉買p既床品, perfect!!!!
床隔離就係個大衣櫃, 近窗位就係我整容o既地方, 不過呢個整容地方整得麻麻地!! 不過算啦!


最後就到書房喇, 而家只係整好左個書櫃, 書枱仲未得lor, 送左兩次o黎都入唔到, 都唔知佢o地點攪o架, 度呎又唔準, 竟然度左幾次都度唔到我個蚊網lor....攪到o的傢俬入唔到!! 激屎我!!  等張書枱真係入到房我先再update大家啦!!


而家搬左入去幾日, 住得好開心呀, 因為都好舒服, 夜晚都幾靜又唔凍! 每朝早一起身見到個VIEW, 又見有人做運動咁呀...自己都覺得好精神!! 希望快o的攪掂晒o的o野啦!!! ^o^


45 則留言:

  1. 好靚呀﹗﹗﹗恭喜灑﹗

    回覆刪除
  2. 恭喜芝士呀~~有了自己小天地真係會好開心架~~見到你裝左個大焗爐, 一會成日焗蛋糕呀, 好想試下你手勢, HAHA~

    回覆刪除
  3. 遲d settle down哂就會好開心架啦, 每日返到屋企煮飯比老公食, 會覺得係一件好幸福既事!! hee~~
    希望遲d有機會join你地既blogger聚會啦~~

    回覆刪除
  4. 恭喜你AR~~芝士,有自己既安樂窩!! 我諗............點解張床要咁大............因為17號對訓係比較有要求!^0^ 因為我都係~~hahaha! 個VIEW真係好正!!人都精神O的~

    回覆刪除
  5. 你係咪住mos 呀?

    回覆刪除
  6. 恭喜哂呀!!! 話咁快就入伙~~ 間屋好骨子呢~~

    回覆刪除
  7. HA. 大水坑?
    我娘家都係mos 呢.. hi. 沙田友...

    回覆刪除
  8. 恭喜哂AR~ 我家的床都有6.5 呎長~ 因為老公係高佬一名~ 好好既休息真係好重要甘!! 所以大床大床大床! 相信廚房都將會係你成日逗留既一個地方

    回覆刪除
  9. 嘩,日日起身都見到個海景真係好正!

    回覆刪除
  10. 飛‧月 - FLY to the MOON2011年4月1日 下午6:16

    攪掂晒~~ congratsssssss

    回覆刪除
  11. 隔左一段時間冇探你, 原來我miss 左好多呢.. 恭喜哂呀~ 你既sweet home 好靚靚呀!! 我好欣賞你個洗手間, 好 stylish~!! I love 黑鏡 too!!

    回覆刪除




  12. 恭喜哂妳呀!!! 新屋入伙, 幾靚喎又實用, 環境都唔錯呀~

    回覆刪除
  13. 恭喜晒~~~~所有野安定晒後, 真係會想日日留屋企唔出街架.

    回覆刪除
  14. 太好la~終於入左伙la~ 而且個view甘好,日日起物望到都好舒服!

    回覆刪除
  15. 恭喜呀,搞掂晒喇! 有自己既安樂窩真係好爽咔,哈哈!

    回覆刪除
  16. 恭喜哂~ 間屋整得好靚呀

    回覆刪除
  17. 6尺床是寬度?? 依家擺到KING SIZE(6尺寬)的房,真係好少,我果張是4尺半X6尺3床,因為老公已經5尺13吋,6尺3長都唔係幾夠了~ 但擺了床空間細又唔好,居住問題太多,就是因為無錢買大屋

    回覆刪除
  18. 恭喜恭喜~~
    忙左咁耐鍾意見到成果喇!!

    回覆刪除
  19. 恭喜2妹! 個view好正呀! 我要去玩我要去玩!!!

    回覆刪除
  20. 間屋好靚呀~ 祝你地住得開開心心,安居樂業~
    我張床仲誇過你呀~ 我係5尺半再加2尺(放0係窗台上,但係床架做到同窗台一樣高),所以張床加埋有7尺半!!!打斜訓都得,超爽!!!

    回覆刪除
  21. 我間屋慢好多, 啱啱開始成形喇~
    而家準備油油, 同埋造傢私

    回覆刪除
  22. 而家仲差電視幅牆的顏色未揀好, 又係1516的時候....
    過程真係好痛苦, 不過當見到間屋有成果時, 真係好開心!!所以你而家應該係勁開心, haha~~

    回覆刪除
  23. E.. 我都睇中呢個 brand 既洗衣機, 但仲考慮緊邊個 model 好.. 係呢.. 你買左邊隻 model 呀? 嘈唔嘈 & 好唔好用呢??

    回覆刪除
  24. 恭喜!!我都就快收樓呀!!但一諗起她多野要搞就怕怕喇~~

    回覆刪除
  25. 我要去我要去!~~

    回覆刪除
  26. 我乜都未攪呀~~
    所以要去2妹度先攪攪震先~~WAKAKA~~

    回覆刪除
  27. OH~ 我好鍾意你個廚房呀!!! 好後悔無買到大焗爐囉~

    回覆刪除
  28. 因為我個廚房唔大呀, 裝大焗爐會用晒我D位~~ 所以我唯有用微波焗爐, 但焗出黎無咁靚......

    回覆刪除
  29. 我勁鍾意你廚房呀!!!兩樣家電都好實用又靚仔,我都好恨有間咁靚O既屋呀,但係我要繼續發揮慳家本色,裝修都無得咁豪呀.....你望出去個view都好舒服呢~~6呎床....我諗住用5尺o乍,6呎真係好大喇,你可以一路o係上面碌一路唱我"金絲雀....金絲雀....."呀~~wakkakakak~~

    回覆刪除
  30. 入伙大吉!裝修睇嚟唔錯啊。我有啲同事屋企裝修,樣樣都整唔啱,煩到不得了。

    回覆刪除
  31. 我宜家先有時間遊blog咋....你間新屋裝修得好正呀.....恭喜晒~~

    回覆刪除
  32. 有自己既家真係好開心呀~^0^

    回覆刪除
  33. 裝修得好靚呀, 全部設計你哋自己諗定係搵人design ga?

    回覆刪除
  34. 個洗手盤櫃好靚呀~~ 係深圳家之福買???
    會唔會攪house warming?
    by笨豬小慧simple

    回覆刪除
  35. 恭喜! 間屋好靚, 好like你個廁所, 黑鏡櫃good!

    回覆刪除
  36. 恭喜呀, 好鍾意你個view 呀!!!
    我都好想可以2人世界!!

    回覆刪除
  37. 你間房好大呀,六尺床後仍有咁大嘅梳妝枱
    我都整咗張六尺床(因為我老公超大鼻鼾>~<要隔遠啲(^.^)),但張枱就變得超mini~,~!!
    唔記得恭喜你添^~^入伙後事事順利,快快樂樂^~^

    回覆刪除
  38. 好開心呀 congratualations!!我都好想快d有自己0既屋企呀~~~

    回覆刪除
  39. 可唔可以話我知你住邊區OR屋苑咁呢? 因為個VIEW都幾好咁~~ ^^屋企最緊要夠安靜^^

    回覆刪除
  40. 好正~好靚呀! 你識室內設計架?!
    LIKE 廁所too~

    回覆刪除
  41. congrats 芝士!!!!
    個海景望倒真係好舒服呀~~~

    回覆刪除
  42. 恭喜你呀....
    好LIKE你屋企嘅設計....尤其洗手間, 因為之前睇你揀材料時,見你揀D黑媽媽嘅裝修料, 整出黎好似會好暗咁, 但完工後一睇原來唔係喎,一D都唔暗,而且仲好型添呀!

    回覆刪除
  43. 咦? 你住邊區架? 我屋企都係望海架, 個VIEW有D似, 哈哈, 不過我住青龍頭!

    回覆刪除
  44. 我私留 ,你住馬鞍山嗎?
    我住mos的

    回覆刪除