2011年3月8日星期二

傳統掛 @ 錦發

對於出門著o既掛, 初初攪結婚時除左知道有傳統掛之外, 做research時發展Cocoon好出名o既潮掛, 所以上年都去過試, 老實講我都覺得好靚, 真係令人好心動...不過一來價錢唔平, 二來我對傳統掛真係情有獨鍾....因為傳統掛一生人只可以著一次, 之前同婚紗舖o既sales都有傾過掛o既問題, 其實婚紗店都有潮掛租, 不過佢都覺得傳統掛好有意義, 而潮掛其實都可以當係小鳳仙裝咁, 之後想著去影相都可以, 而傳統掛就唔可以...而且我真係好鍾情傳統o既刺繡...所以最後我捨棄返Cocoon租潮掛, 繼而focus左去睇傳統掛!


上年年尾我都去左比較好口碑o既永隆同錦發睇過掛, 大概知道自己鍾意中五福, 不過就未決定到係邊度租.  姐姐叫我o地3-4月再返去租就差唔多...所以今次一於帶埋mama一齊去, 因為mama都會同我一齊著掛....好有意義!!


我o地都係去返永隆同錦發睇, 初初我自己都幾鍾意永隆, 不過今次好認真去試, baba mama覺得錦發好睇o的, 而且可以租頭掛, 只係比永隆o個件貴 $400, 咁一生人一次, 一於著件新o既! 不過我都係比mama試埋mama掛先決定.  試左兩間之後, 真係好明顯, 錦發件mama掛係短身少少同好fit身, 永隆o個件就好長同埋有o的鬆, 著到阿媽又矮又肥, 加上佢又冇第二件比mama試, 所以諗都唔駛諗就返去錦發confirm埋.


因為星期六17號冇陪我試, 佢未睇過件新掛, 所以今日同佢再去試過, 佢都話好睇, 因為連中間拉鍊位都有金龍, 裙身條金龍都特別大條同靚o的...



好開心又confirm多個item...著左掛上身個感覺真係好特別....覺得自己真係嫁咁....o個種感覺真係唔知點形容...



同場加映, 加左阿joe幫我整o既掛頭試妝相, 睇下個效果先!!!

23 則留言:


  1. 太搞笑喇XDDDDDDDD
    有冇送睡衣呀~~
    我一直都想去COCOON試潮褂架, o個時叫阿shan帶我去, 點知佢去o個日我剛結婚第二日冇去到, 一路到依家都冇機會試lu

    回覆刪除
  2. 依家咁肥真係咩都擺唔起勁XD

    回覆刪除
  3. 哈哈哈哈哈~ 你好搞笑!加個褂頭試妝相上去! 你套褂幾好呀!衫身同條裙d pattern好襯,你完全carry到~ 我見衫身肚位有小小卜起,未拉好?

    回覆刪除
  4. perfect match!!!!!
    我上次去唔記得叫佢送睡衣tim,下次要補番先得~~~

    回覆刪除
  5. 你第2張相好搞笑呀~~
    我第一次著褂, 都覺得真係有d要嫁既感覺呀~~

    回覆刪除
  6. 哈哈, 又俾你諗到KEY個掛頭上去...好攪笑呢!!!
    不過套掛好襯你呀, 好貴氣!!!

    回覆刪除
  7. Key 個頭上去, 好搞笑呀.
    套褂真係好靚.

    回覆刪除
  8. 好賢淑!!!~ 邊個娶到真係有福氣!!!

    回覆刪除
  9. 呢件褂真係好襯你呀~~!!!

    回覆刪除
  10. 我都係鍾意傳統褂多d呀, 因為真係有意義d!!
    你個褂既total look好正呢~

    回覆刪除
  11. 好正啊!!!!你key左個頭落去!!! 你著傳統褂真係好match~~carry得好好! 因為我試傳統褂.......就好似你講"又矮又肥"...... 所以簡左潮褂~

    回覆刪除
  12. HAHA,一睇到第二張就笑左出黎!!
    可想像到,傳統掛+你個靚靚LOOK= 靚足全日O既新娘子!!!

    回覆刪除
  13. 我都係鐘情傳統褂呀..最好仲要係褂皇TIM..HAHA..
    BTW.你第二張相好得意!!相信你一定係最靚既新娘子!!

    回覆刪除
  14. 哈哈哈....笑到我肚痛啦!!!!

    回覆刪除
  15. It looks very good on you!

    回覆刪除
  16. 你好搞笑wow...hahaha 你個樣咁古典, 傳統掛你carry到呀!!!

    回覆刪除
  17. 好得wor!
    我上次去試時態度麻麻, 又冇乜幾多件, 結果租了~永隆~~

    回覆刪除
  18. 我都係錦發果到租架...yeah

    回覆刪除
  19. 好攪笑....你張試褂相正呀...襯晒....我遲d都去永隆同錦發睇下先...

    回覆刪除
  20. 我又係鍾情傳統褂~~所以當初諗都冇諗就揀番傳統褂 我都有去過 cocoon 試過衫~~但係因為一早諗住會揀傳統褂就冇諗過試潮褂~~費事晒左個 quota~~

    回覆刪除
  21. 哈哈哈, key 自己個頭上去都畀你諗倒!!! 我都中意傳統褂呀! 一世人只著一次, 好有意思~~

    回覆刪除
  22. 著得好好睇呀
    加埋阿joe個妝,超正!

    回覆刪除
  23. 好正呀~ Super Like 妳張相呀...wkakakkakaaa
    等我試掛果時都 key 阿 Joe 幫我 sets 掛頭相先~ XD
    妳講得好, 一生人一次都想著傳統掛呀, 我都好 Like 傳統掛呀, 想問下 2 間價錢太約幾多呀???

    回覆刪除