2011年1月8日星期六

Malau 1219 大日子

過左好遲先寫呢篇, 因為最近為新屋o既事忙過不停...


經過左1218 bridal shower之後, 我o地就一齊迎接1219大日子喇!


一早起身, 為的是食早餐 XDDD  前一日已經叫左M記外賣, 一早已經送到! 係酒店露台食M記真係第一次, 不過好正...一級享受啦! 仲有天色真係好正!! 今日一定會好順利又有sunshine!!!



食完早餐之後我O地都hea左一陣就落去malau個結婚場地, 係一個室外搭建o既帳篷, 白雪雪好正!


當然唔少得影影影啦! 


Stunning Malau!!! 件gown真係超級襯你!



Candy corner



我整o既welcome board呀!! ^o^



Cupcakes tower



到咁上下, 大家都入席喇, 聽完ladybird o既音樂, 一對新人就進場, 全場人一齊起身吹泡泡.....個場面真係好靚, 大家都好投入, 我覺得好正!



佢o地兩個新人又重溫一次宣誓o既儀式....真係好感動....


之後我o地就開始食buffet喇, 又係第一次婚宴係食buffet, 感覺都唔錯, 仲要o的o野食都幾好味o架!


因為掛住食..剩係影左第一碟!! XDDD



到左差唔多尾段o既時候就播左一段新人o既成長片段, 之後重頭戲就o黎喇, PP整左一段the making of...係佢前一日整花球o既making of, 而Malau手上 一直拎住o既兩個花球, 其實都係由PP整O架....Malau真係好驚喜呀, 因為佢完全估唔到o架!!! PP真係好有心機整兩個花球, 你真係好幸福呢....



整個婚禮場面真係好感人, 又溫馨..... 係我去過咁多婚禮當中最舒服, 最warm, 最開心o既婚禮.....Malau一句最想身邊o既人開心, 佢就會好開心.....真係好touching...我到而家都仲記得佢呢一幕, o個個tone, 個樣, 同我當時o既心情...所以婚禮當中唔需要多環節, 又唔需要太複雜, 簡簡單單出自新人o既分享, 那種真實係最難忘o既!!!


Malau, 祝你同PP永遠都幸福快樂!! 最緊要係日日都開心!!!


最後當然唔少得就係1218+1219團團員大合照, 為呢兩日畫上完美o既句號!



 

3 則留言:

  1. 個candy corner 好靚!!!

    回覆刪除
  2. 多謝你地陪我渡過呢重要的2日AR!!!我覺得我既大日子有左你地更加開心及感動!!! 雖然唔係識左好耐,但我覺得時間長短並不是聯繫的主要,我們的感情係大家都真心相對及大家都甘鐘E 靚+ 開心
    再一次感謝上天讓我識到你地!!

    回覆刪除
  3. 所以婚禮當中唔需要多環節, 又唔需要太複雜, 簡簡單單出自新人o既分享, 那種真實係最難忘o既!!!<<<其實要有佢咁既效果一D都唔簡單呢~ 要有佢咁真心待人之餘仲要咁真情流露, 唔係人人做到~!唔係人人講得出呢番心底話~所以我成日都話抵咁多人錫佢~

    回覆刪除