2010年10月23日星期六

紅豆婚紗之旅 - 溝通篇

各位, 我返o黎喇!!!!!!

今次去台灣有開心有唔開心啦, 因為有颱風影響o既關係, 我去宜蘭就有落雨, 影響左玩o既心情同行程...不過都有開心o既, 就係台中呢塊福地, 竟然係陽光普照, 真係得天獨厚呀!!! 所以今次紅豆之旅真係好開心, 好順利咁完成左!

講返行程, 旅遊o個part留返遊記先講.... 而家講溝通日先!

約左5點溝通, 17號舅父就好準時車我o地去到紅豆, 其實紅豆個位置都唔難搵, 去到見到門口o的凳就認得出!! 係佢喇!! 終於等到呢一日, 自己唔係睇相而係企係店前....真係好興奮!!!




入到門口就見到SASA, 欣怡, REX仲有一對客人, 仲有可可呀!!!

因為REX serve緊客人, 所以我o地就去左fitting先...fitting地方唔係紅豆店內, 佢o地而家租左個地方係行2mins左右就到, 係2樓!! 入到去地方都好大, 內景同化妝都係度! 都幾靚o架!! 感覺好舒服!




雖然唔係好似外面o的公司有好多衫, 不過其實o的衫都唔錯, EG特別多, 一定揀到, 而WG相對就少O的, 但我都揀到O的款試! 由美筠幫我試左十幾件之後, 我終於都揀到7件, 再係入面再揀5件....最後都定晒款.....好開心呀!!! 知道係影PW, 所以我揀左o的鋼紗款, 揀左件比較新o既黑色, 因為big day唔會揀o既!!

試衫o既地方, 又大又舒服!!!




揀好晒衫之後我o地就行返去店內, 跟住REX就同我o地溝通喇!! 佢問左我o地會去邊個景點再幫我o地諗下o的衫係邊度影比較好! 最後決定:

泰安車站 - 黑色EG
通宵神社, 樹林 - 白紗 + 綠色EG
通宵海灘 - 紅色EG
內景 - 白紗

決定左衫o既安排之後, REX就開始正式就住之前填寫o既溝通單同我傾攝影風格, 咁我今次主要都係想影o的比較有幸福感同埋warm o既相, 其他相都可以試少少, 我絕對唔要可愛feel! REX好details同我解釋溝通單內o的items係代表乜o野...跟住我就開左我部Netbook show晒我o的reference俾佢睇, 其實大部份o既相都係REX同MARS影o架....所以好多相REX都認得出!!

睇晒o的reference之後REX大概知道我想影o的乜.

有一樣好重要o既o野要問, 就係邊個係我造型師, 一問之下就知道係Amanda, 其實我冇指定, 我覺得Sasa同Amanda都好好, 不過因為Sasa話佢店內有好多o野要處理, 所以搵左Amanda幫手, 不過唔知點解我又好開心喎, 因為知道係淇淇啦, 之前係facebook已經add左佢, 所以特別有親切感呢!

咁就完成左第1日o既溝通日喇!

上左舅父車就去食飯喇!  好期待明天影相!!! 有少少緊張添!

題外話: 真係好搞笑, REX同我o地傾偈時經常講廣東話, 仲講得幾好添呀! 不過有o的位真係好好笑, 聽佢講廣東話真係好開心呀!

10 則留言:

  1. 超認同你講台中係福地~~哈哈..
    我今日終於影完啦~~MUA 真係SASA呀!!!

    回覆刪除
  2. 你去宜蘭有冇泡冷泉 ?

    回覆刪除
  3. 我 N 年前去過泡, 正呀 ^^

    回覆刪除
  4. 我係一人獨立屋

    回覆刪除
  5. 終於到你分享喇!!
    新果個試衫地方真係闊落好多大好多, 我諗內景的選擇都多d~~

    回覆刪除
  6. 佢都係同我地講廣東話XD老公當堂鬆一口氣, 不過我間中都會聽唔明XDDDD 好耐冇同佢地SMS喇…尤其依家返工冇得開…

    回覆刪除
  7. 係喎~欣怡都過埋黎呀?

    回覆刪除
  8. ♡ IRIS.屎屎.★2010年10月24日 下午5:02

    你呢間公司好特別呀, 個內境都好靚呀, 我果個間個內境唔靚, 所以我無影內景呀....

    回覆刪除
  9. 好詳細呀~~ 勁~
    佢地試衫同化妝個地方好靚呀~ 用黎當棚景都得呀

    回覆刪除
  10. 我初初都好擔心當日天氣....好彩最後陰天呀~唔熱又唔凍...仲有仲有最後出太陽比我影到幾張藍天白雲呀!超HAPPY SASA化得好好呀~~住部造型我都好鐘意...特別係棚內個晚裝頭完全無諗過我可以整果種髮型!!

    回覆刪除