中秋深圳購物團

中秋節翌日一出安排左上深圳按摩, 不過細路想去笋崗入結婚o野....所以一大早就上去, 係上水吉野家食左個早餐之後就出發.

係羅湖一出搭的士去笋崗係一條直路, 真係好快就到, 只係RMB16再加RMB2油費就到...真係平!!

我o地冇去批發中心, 因為上次去笋崗行開工藝城, 見到有立興同埋鵬鵬係有分店, 又唔多人行, 所以直接去工藝城分店, 事前已經打左電話俾立興郭生, 知佢有開舖! 一去到佢叫佢就知道係我打俾佢, 在場有一家人入緊貨, 郭生就serve我o地, 睇左一陣就得返我o地好自由咁慢慢揀....大約1hr內已經買齊o野, 其實每樣O野都平左少少, 最後又送左4PACKS大利是封, 同埋兩對筷子....我諗都唔錯O掛.  其實我O地都覺得立興老板好好人, 所以都唔行去鵬鵬lu...係一間買晒唔駛煩!!  我都買左幾支簽名筆試下DIY!

呢o的就係佢o地o既戰利品!

去完立興就順便行下工藝城, 見到一直想買O既仿皮籃同範, 見有一個做緊清貨好抵就買左...用O黎放晒我scrapbooking o的紙同book cloth!!! 安樂晒!!

買完o野之後食左四川菜就去按摩....3hrs之後個人又鬆晒!!

之後行東門搵食, 見到一間小店有我鍾意o既刀削麵同餃子, 所以試下, 又真係出乎意料之外好好食...餃子仲要即包....又有夾饃食......食完真係好滿足...然後就返香港喇!

餅咭收貨喇!!

一直都知道美心餅咭可以用員工價購買, 所以不時都搵下有冇朋友可以用到員工價買餅咭, 好在都有幾個朋友都識人, 不過平時真係好少quota, 又要等, 不過知道一年有幾次大o的staff sales, 預計8月會有, 所以就等.

9月頭收到ANTIE o既電話終於有得買, 不過得幾日, 好在佢同個經理熟, 所以可以買多o的, 收到電話一個鐘內confirm數量, 一次過幫自己, 細路, 未來弟婦哥哥同埋露比買.  佔據左4個staff o既quota....第二日即時俾晒cash落訂, 如果遲左可能o的quota又俾人搶左....真係好驚險o架......落call時好似買股票咁, 遲o的都唔得!!

今日終於都收貨喇, 原來都唔少o野....呢度只係我同露比o既貨o乍!!其實係個禮封多, 餅咭得好少O架O乍!

好o野, 又KO左一個大item....仲慳左錢....真係好happy!!

值得紀念的中秋節

今日係中秋節, 真係一年容易又中秋, 時間過得好快!!

因為星期日做左節, 所以今日唔駛做節, 就約左17號去慶祝.....

慶祝o的乜......

就係慶祝求婚一週年!!!!!

其實求婚週年真係好少人慶祝, 不過我覺得結左婚就唔會再慶祝求婚ma....所以一於慶祝一番.....仲有就係先感受一下honeymoon.....

點感受, 我o地今日就去左尖沙咀 Weinstube 食奧地利菜 (其實我覺得係德國菜多o的)

我想試呢間好耐喇, 好在17號好有我心特登提議去呢度....

今日可能係中秋啦, 冇乜人食西餐, 成間餐廳得bar 枱有幾個老外係樹飲啤酒....就得我o地兩個食飯....

我o地叫左個炸蘑菇, mixed sausages同埋豬手..... 3樣都好好食呀!

蘑菇入面好juicy, 豬手唔太咸而且個皮好脆....好食呀!!!

加埋兩杯Erdinger德國啤酒(1白1黑)....簡直一流!


食完飯之後趁冇落雨就去左海傍行下賞月.....天公造美....好開心可以賞月, 加上17號o既驚喜 - 白兔燈籠........我想要左好耐o架喇!  真係好開心呀!!! 多謝你!

下年我要同你係新屋樓下o既海濱長廊賞月呀!!!

 

Monalisa fitting

話咁快就9月, 月底會去Monalisa影pre-wedding, 係用彩福o既coupon冇upgrade.  尋日終於去左試衫. 之前係網上面個系統揀左20件, 不過老實講, o的款真係唔太ok, 好辛苦先求其揀到20件!!!

原本係得自己一個人去fitting, 因為17號冇乜假同埋公司太忙, 所以慳返o的假…不過係fb同其他monalisa o既JM講開去fitting, 竟然大妹話唔去做yoga都要陪我, 真係好滾動呀, 話冇理由fitting自己一個去, 因為都唔知係唔係適合自己!

我約左11:00, 10:30約左大妹係葵芳等, 第一次入珀麗灣, 坐shuttle bus都好方便, 好快就到! 仲有一個驚喜, 就係3妹都會入埋o黎陪我揀衫!! Hehe!!! 真係好幸福呀!!!

到埗之後就去monalisa, 入到去個reception o的姐姐仔已經串串地, 唔主動問你有乜需要, 我同佢o地講係fitting, 態度都麻麻, 求其搵左個啱啱返工衫都未換o既姐姐仔叫佢帶我入去, 又唔話人知邊張單, 個姐姐仔拎左另一個人張單就行, 我先同佢講我o個張係我手! 大家都一頭霧水!!!!!

入到去fitting, 有兩個staff幫我, 一個係Kammy, Kammy都比較nice, 都會有傾有講! 而另一個就麻麻地, 我唔小心整到佢, 佢恕睥我!!!! 雖然之後態度都ok返, 不過印象唔好!

坐底一陣, Kammy就拎住一車衫o黎, 就係我揀o個20件, 跟住就同我fit….不過好多件都係比較細件, 又窄, 又拉唔到錬, 想要o的A-line款都揀唔到, 試完得一件係由始到終都ok o既, 另一件就揀唔到, 同大妹3妹磨左好耐都揀唔到, 之後同佢o地講我揀唔到, 佢o地行開一陣返o黎話可以俾我睇多次個揀衫system再俾我試多兩件! 不過問佢o地有冇款推介, 佢o地都係唔想show我o地咁, 話都係o個o的款, 冇其他喇… 好辛苦又揀左兩件, 試完都係唔OK….咁唯有揀返之前有一件，大家都話著左瘦o的同埋有o的o野睇! 影相時冇咁plain…..

最後揀左呢兩件

呢件係我同17號由始至終都鍾意, 好在試上身都OK

呢件就係另外揀o既, 大家都話呢件影相會出o的有o野睇!! 所以就揀左佢! 其實發夢都冇諗過自己會揀呢種衫!!!

終於係1.5hrs之後揀完衫, 我o地就搭車返葵芳, 去左我o地鍾意o既譚仔食lunch, 傾左成1.5hrs先走!!

真係多謝兩位好妹妹陪我呀!! 如果唔係我都唔知點揀好!! Love u!!!!

Book Binding @ Amor

等左幾個星期, 尋日又去Amor, 主力係去上Book Binding.  不過咁啱Amor又攪賣紙, 我o地梗係唔會錯過啦!

我o地好早就上去揀紙喇!! 好多好多紙, 真係好靚, 我都忍唔住買左o的!! 買滿$100又送兩張平時上堂用o既紙, 所以加埋我之前訂o既book cloth, 就夠晒數喇!!

準時7:30我o地就上堂, Olivia話今日大家會整兩本東東, 一本係拉頁o既小相本, 另一個就係可以放 4R o既相套, 兩本都係用book binding o既技巧整!

未整之前係乜o野指定動作呢??????   梗係又係揀o野o既時間啦.... 我o地要揀兩張book cloth.  又係揀到好似打風咁!!

之後Olivia就做示範, 首先整左本小相本先! 

整book binding會運用白膠漿!!! (好耐冇用過喇)

查查查, 剪剪剪, 貼貼貼之後就整好左個封面同底, 加左絲帶之後就將已經摺好o既咭紙貼埋上去就完成左.

真係可以做返個大本o既簽名冊喎, 又唔太難整!

第二個task就係整相套喇!!

整相套因為會摺埋, 所以唔駛分開封面同底去整, 但就因為咁難度會多左, 中間摺o既部份條壓紋又要整得好, 一個唔小心就會整爛, 同埋用白膠漿唔小心整左係book cloth度就會有跡, 所以都要好細心同小心先得...

平時o的同學仔都會用返o的顏色book cloth, 不過今次趁Olivia訂左整證書套o既book cloth返o黎, 所以就揀左o黎做封面, 試下實習當整證書套咁整! 相套面平時用絲帶, 不過大家都諗起可以整lace, 所以我都揀左一條lace, 再係中間穿香檳色o既幼絲帶.

整好左喇!! 好在整得都ok! 真係好grand呀! 入面我會再整之後係紅豆影o既相入去, 而家吉左佢先啦!!!

同埋之前本拉頁相本影返個大合照!! XDD

最後Olivia就示範左點用book binding同布去整bookmark...真係唔錯喎, 又好靚!! 可以自己試下都得!

上完呢堂之後我都好有信心自己可以整到個靚靚證書套!! 

最最最最最後......我o地都係忍唔住買左o的book cloth返屋企諗住自己再整!

不得不又要讚下Olivia, 佢真係教得好好, 好有心機, step by step, 講得好清楚.....今堂真係值回票價呀!!

為你慶祝

本來星期一先係17號o既牛一, 不過遇正星期一, 咁就不如提早星期日賀一賀佢啦!

好早已經想去COVA試下佢個Sunday Bunch, 所以就趁17號o既大日子同佢去食啦!

因為知道今日食兩餐勁o野, 所以早餐都唔食. 下午12點準時到金鐘Cova, 環境不俗呀, 感覺好好好舒服!  

跟住就去拎o野食啦 ! 真係有好多choice, 有龍蝦沙律, parma ham! 有傳統bunch有o既燒牛同燒豬腿!!!

食到咁上下, 個STAFF就過o黎問我o地要乜o野main course, 有焗龍蝦, 大蝦意粉!! 我o地當然係每樣各一share食啦!! 雖然龍蝦係boston, 肉身比較硬o的, 不過真係唔錯, 另外個意粉真係好食呀!!! 食左咁多o野我都要食埋佢!!

食完main course就上左dessert喇, Cova真係唔孤寒, 好多款cake, 我眼見到有成8-9款, 真係好多選擇, 同埋唔只cake, 其實仲有曲奇, tart同埋其他dessert!! 剩係食dessert都已經值返晒, 我同17號都食左好多cake, 一次過可以食晒Cova好出名o既蛋糕!!  So nice!!! 再加埋杯coffee.....爽到冇朋友!!

食完真係好飽, 我o地就離開金鐘遊車河去荃灣同tanny交收o的ink pad, 之後就去左配17號o既眼鏡 (我有份sponsor o既生日禮物呀) , 配完之後行左一陣傢俬舖, 然後又去L'hotel會合佢o既家人, 係L'hotel 又dinner buffet, 真係好誇張, 一係唔食, 一係食兩餐buffet!!!

因為係Cova實在食得太飽, 所以我都唔係食左好多o野, L'hotel環境真係唔錯, 樓底高坐位又闊落, 就算full booking都唔會太嘈!!

o野食都算ok, choice都正常, 唔係好多o個隻, 但如果鍾意食生蠔o既朋友就會失望喇, 因為冇生蠔食!! 得唔好食o既焗蠔!  甜品我只食左new york cheesecake, 蓮子杞子糕同papagallo o既雪糕, 質素都ok呀!! 整體上都可以接受o既!! 但竟然我覺得好好食o既係咖哩入面o既牛肉!! 真係好食喎!!

食完呢餐真係頂住個肚呀!!! 好耐冇試過食咁多o野!! 今日好放肆呢!!

祝你今年學業進步, 事事順利, 開開心心呀! 出年就可以係我o地o既小天地同你慶祝last single birthday喇!! 好期待添!!