冇理由剩係坐係度齋search, 緊係要行動先得啦, 我忍唔住喇! 雖然冇nake appointment, 不過都去運下吉先啦!!
今日目的地係好集中o既尖沙咀, 因為時間唔係好多, 所以都係行左幾間! 包括Ballroom, Idee Elegante, Vianei Wedding, Rosebay同埋Victoria.
第一站就係加連威老道開麟中心, 因為一次過可以行3間!
1) Ballroom
因為冇make appointment同埋有人試緊, Winnie就叫我o地睇左相薄先! o的gown都幾靚呀! 主要都係以A-Line為主, 晚裝都幾靚, 我make左o的心水, 拎埋package list, 下次再約上去free trail 2件先!
2) Idee Elegnate
呢間本身唔係自己心水, 不過係同一座大廈, 所以都去睇下, 又係有新人試緊, 所以都係睇相! 不過好快對新人走左, 我可以free trail 2件, 我揀左件A-Line 一字膊 WG同埋一件紫色EG, 件WG睇係幾靚, 釘工又唔錯, 意大利返的, 不過著左之後有點肥, 而且一字膊會阻礙郁動; 另外, EG o個件都唔靚!
試完之後聽下個package! $6,888有5件, 都ok啦! 不過件WG係A Grade, 要加$2,800.. 即刻滴汗! 之後對新人試o個件又係要加$2,800, 好貴啦!! 所以都係唔諗喇!
下星期話有抽獎會call我上去, 可能抽中free 1件EG, free upgrade etc.
3) Vianei Wedding
Connie Service好好, 好有心機話你知點會著得好睇, 邊款好, 試左下面兩件, 因為我都係為左件中式lace去的, 真係好靚呀, 一著我就真係註定左自己好喜歡lace同埋復古feel的.. 之後就揀左一件low cut用鋼紗, 其實自己都肥肥地, low cut唔係好啱, 不過又唔係好差喎, 佢個大蝴蝶原來好靚, 原來自己都carry到傳統款o既!! 除左Gown之外, 都有睇晚裝, 不過比較難揀, 冇乜心水! 呢間o的衫就冇分grading, 都ok!
4) Rosebay
行完上面3間之後都已經開始夜了, 所以只能夠係金巴利道抽2間行下, 一行上去就見到Rosebay, 緊係第一時間入去八下啦! 入到去都已經好多人, 當然冇得試啦, 不過sales好有心機逐件俾拆出o黎係我睇, o的款都係A-Line為主, 婚紗有幾件都幾鍾意, 晚裝都揀到, 等我下次去試下先!
5) Victoria
因為冇時間, 所以就去左對面Victoria行下, 拎左個package list, 都幾平$4,388有5件, 不過入到去睇o的款就比較港式, 冇乜特別, 唔係我杯茶! 所以行左個圈就走lu!!
今日初踏尖沙咀到此為止, 感覺都ok, 不過就未有一種必租o既衝動, 唯有下次再去!
