今個月又有wedding expo, 其實個個月都有咁濟, 來來去去都係o個o的o野, 不過總有某o的焦點令你都係要去八一下.. 今次o既焦點就係Vanesse o既catwalk show! 之前拎左免費飛, 所以就算腳痛都要去
今日下午先去左Fairlady開倉睇下有冇正o野, 上到去睇左都有o的ok, 不過都要$1200-1600一件, EG就麻麻地, 都要$880以上..睇中一件粉橙EG, 不過雪紡裙有條線扣左, 即時冇心機去買! 睇多幾睇見WG都要千幾銀就冇買lu, 之後就去麻布茶房會合17號, 食個set lunch, 好豐富喔...
三文魚沙律, 三文魚骨腩, 咖哩牛肉蛋包飯, 滑蛋吉列豬排飯
食完lunch我o地就去報班, 一齊去整一對結婚公仔, 係度賣個關子, 遲o的整好再話大家知!!
報完班就搭地鐵去會展. 今日好開心呀, 終於係expo見到熟悉o既blogger, 今次就見到mrs chik chik同Alan先生.....真係好難得呀, Alan唔駛出trip可以陪Vivian.... 仲有, Alan你真人同上鏡都係靚仔啦. (唔止真人先靚o既, 其實好想大叫貓王
之後就見到MM, 大家JOIN埋一齊就去霸定頭位去睇SHOW. (我會另外開個TOPIC講Vanesse個show). 睇完show之後就陪MM去睇婚禮攝影, 而家o的攝影真係貴左好多呀. 比起我年頭join時真係加左價, 仲要加左唔少添! 睇完婚攝就去左對面館行, 係入面係想睇下花, 有一間都OK呀, 我想做馬蹄蘭, 佢用成20支去整, 個Package比秋子貴o的, 但20支花好正. 搵日去花墟睇下間舖先得!
睇完之後我o地就走喇, 不過走時就俾我見到細妹喇, 真係好開心, 可以見到細妹夫一面!
臨走前都同MM影返張合照先!!
然後我就同17號去左英皇間$10店入左o的擦膠同cutter, 準備玩下整stamp. 之後就去左大婆牛肉麵食o野喇!!! 都ok而且係抵食的!! 好滿足的一天.
大婆牛肉麵, 大婆餛飩麵, 鹽酥雞, 醉香一字骨同白菜仔一碟!
沒有留言:
發佈留言